Lajmërime

---

21.04.2023, e Premte, Fitër Bajrami

Lajmërim!

Në Xhaminë IKRE pranë QKSH-së do të organizohet falja e Namazit të Bajramit, edhe atë dy herë. Grupi i parë do të falin Bajramin prej orës6:33, ndërsa grupi i dytë prej orës 7:10.

Urime Festa e Fitër Bajramit, Allahu na e past pranu Agjërimin e këtij Muaji të Bekuar Ramazan.

---

17.04.2023, e Hënë, Ramazan

Nata e madhe e Lejletul Kadrit!

Në Xhaminë tonë sonte do të organizohen aktivitete të shumta Fetare, dhe pritet një numër i madh i antarëve të Xhamisë të jenë prezent, si në Iftar ashtu edhe në Teravi dhe namaz nate.

Me disa pamje nga momente të ndryshme me miq dhe mysafir në qendrën tonë, e lusim Allahun e madhërishëm me lutjen e Pejgamberit a.s. :

اللهم انك عفو تحب العفو فاعف عني

„Allahumme inneke afuwwun tuhibbul af‘we fa‘fu anni“

„O Allahu im Ti je falës e do faljen falëm mua“

Allahu na e pranoftë agjërimin, lutjet tona dhe ibadetet e kësaj nate.

Amin!

---

16.04.2023, E Diel, Ramazan

Ligjëratë Teravie nga Prof. Dr. Zekerija Sejdini

Sot, për Ligjëratë dreke dhe Teravie, në xhaminë tonë do të kemi nderin të dëgjojmë Profesorin Universitar 𝐏𝐫𝐨𝐟. 𝐃𝐫. 𝐙𝐞𝐤𝐞𝐫𝐢𝐣𝐚 𝐒𝐞𝐣𝐝𝐢𝐧𝐢 – Profesor për Islamin në shoqërinë bashkëkohore në Fakultetin e Filologjisë dhe Studimeve Kulturore pranë Universitetit të Vjenës.

Jeni të mirëseardhur!

---

14.04.2023, E Premte, Ramazan

Ligjëratë Xhumaje dhe Teravie nga Dr. Riad Imeri

Sot për Ligjëratë Xhumaje dhe Teravie kishim nderin ta kemi në mesin tonë Prof. Dr Riad Imeri. Allahu e shpërbleftë për mundin dhe këshillat e qëlluara drejtuar xhematit tonë.

Xhuma dhe Teravi të pranuar vëllezër.

Allahu na e shpërbleftë me Xhehennet‘ul Firdeus inshaallah.

Es-selamun alejkum!

---

13.04.2023, E Ejte, Ramazan

Ligjëratë Teravie nga Prof. Dr. Shenazi Memeti

Me Organizim të ALKIG-ut dhe BI të Maqedonisë, në Xhaminë IKRE pranë QKSH-së do të kemi nderin të dëgjojmë një Ligjëratë Teravie nga Prof. i nderuar Dr. Shenazi Memeti.

Allahu e shpërbleftë mysafirin për mundin dhe neve na i pranoftë lutjet dhe ibadetet inshaallah.

---

12.04.2023, Ramazan

𝐍𝐣𝐨𝐟𝐭𝐢𝐦!

Të nderuar anëtarë,

Që nga sonte, ora 01:15 e deri në natën e fundit të muajit Ramazan do të falet namaz nate në xhaminë tonë.

Allahu jua pranoftë namazin atyre që kanë mundësi të jenë prezent në Xhami.

Es-selamun alejkum!

---

07.04.2023, E Premte, Ramazan

Ligjëratë nga Prof. Dr. Islam Islami

Sonte në Xhaminë tonë patëm nderin të kemi në Ligjëratë dhe si Imam në Xhuma dhe namazin e Teravisë, Prof. Dr. Islam Islamin dhe Hoxhë Hfz Fadil Asani (Imam në Xhaminë e Tërnicës). Allahu i shpërbleftë mysafirët për mundin dhe na i pranoftë lutjet inshaallah

---

31.03.2023, E Premte, Ramazan

Ligjëratë nga Hoxhë Ylli Buraniqi

Sot në Xhaminë tonë për Ligjëratë dhe Hytbe Xhumaje ishte Hoxhë Ylli Buraniqi, i cili do të paraqesë një ligjëratë edhe para namazit të Teravisë. Imami i Qendrës sonë Hfz. Orhan Zendeli, e prezentoi programin para xhematit dhe njoftoi sihariqin e ditës ku si mysafir Muezin qëndron Medresanti i Isa Beu-t nga Shkupi, z. Halil Musliu.

Allahu na e pranoftë Xhumanë, agjërimin dhe lutjet e ditës së sotme.

Mirupafshim në namazin e Teravisë.

Es-selamu alejkum. السلام عليكم

---

24.03.2023, e Premte, Ramazan

Ligjëratë nga Hoxhë Rahim Qamili

Në Xhaminë IKRE pranë QKSH, patëm sy misafir Hoxhën e nderuar Rahim Ef. Qamili, i cili mbajti dy Ligjërata, atë të Xhumasë dhe Ligjëratë para Namazit të Teravisë.

E Lusim Allahun e madhërishëm që të shpërblejë Hoxhën e nderuar për mundin dhe respektin ndaj qendrës sonë, ndërsa Xhematit tua pranojë lutjet dhe ibadetet.

---

---

𝐋𝐚𝐣𝐦ë𝐫𝐢𝐦 𝐩ë𝐫 𝐦ë𝐬𝐢𝐦𝐛𝐞𝐬𝐢𝐦𝐢𝐧 𝐅𝐞𝐭𝐚𝐫 𝐭𝐞 𝐗𝐡𝐚𝐦𝐢𝐣𝐚 𝐈𝐊𝐑𝐄 𝐞 𝐐𝐊𝐒𝐇-𝐬ë

Si Hoxhë i përkohshëm dhe Imam në QKSH, që nga 1 Marsi 2023 po shërben Hoxhë Orhan Zendeli nga fshati Sallarevë – Tetovë.

𝐏𝐫𝐨𝐠𝐫𝐚𝐦𝐢 𝐢 𝐌𝐞𝐤𝐭𝐞𝐛𝐢𝐭

– 𝑶𝒓𝒂𝒓𝒊 𝒊 𝒎ë𝒔𝒊𝒎𝒊𝒕 𝒅𝒊𝒕ë𝒏 𝒆 𝑫𝒊𝒆𝒍
11:00 – 12:30 Alfabeti Arab dhe Kur’an si dhe prej orës 13:15 – 14:00 mësime të ndryshme fetare.

𝐀𝐤𝐭𝐢𝐯𝐢𝐭𝐞𝐭𝐞𝐭 𝐭𝐣𝐞𝐫𝐚 𝐭ë 𝐇𝐨𝐱𝐡ë𝐬 :

1. Falja e Namazeve të rregullta çdo ditë sipas kalendarit të ALKIG-ut.
2. Ligjërata e ditës së Xhuma dhe falja e Namazit të Xhumasë.
3. Aktivitete me të rinjtë ditën e Shtunë pas Jacisë, njoftim me Hoxhën dhe bisedë e lirë për çështje të ndryshme.
4. Ligjëratë ditën e Diel para namazit të drekës

---

18.02.2023, 20:00 PM, E Shtunë

Urime pavarësinë Kosovë

Me rastin e ditës së pavarësisë së Republikës së Kosovës, 17 Shkurtin, QKSH- Vjenë edhe këtë vit organizon manifestim kulturoro-artistik. Me çrast, special për ne nga vendlindja fluturojnë të ftuarit special për këtë mbrëmje: Humoristët Mixha Bibë ( Hasan Murseli) dhe Martini (Simon Tanushaj). Ligjërues Prof. Dr. Qenan Ismaili, dhe Mag. Hafiz Evzal Sinani. Këngë patriotike Burhan Ramani dhe Arben Emini. Programin e moderon nikoqiri, Hoxhë Semir Fazliji njëherësh edhe Imam i përkohshëm në Xhaminë e QKSH „IKRE“- Vjenë.

Programi i mbrëmjes

Tema: Pavarësia e Kosovës

Moderator : Hoxhë Semir Fazliji

Lexim Kur’ani: Hafiz Arben Emini

Ligjëratë: Prof. Dr. Qenan Ismaili

Këngë patriotike: Hoxhë Burhan Ramani, Hafiz Arben Emini

Pjesë humoristike: Mixha Bibë dhe Simoni

Fjalim përmbyllës për pavarësinë e Kosovës: Mag. Evzal Sinani

Design & CopyRight 2023, QKSH – Vjenë

---

19.02.2023, 11:00 AM, E Diel

Israja dhe Miraxhi

Në QKSH organizohet edhe këtë vit „Program fetar me rastin e natës së Israsë dhe Miraxhit“, me çrast do të kemi të ftuar special nga vendlindja disa personalitete akademike dhe ilahistë të njohur, si: Prof. Dr. Qenan Ismaili, Mag. Hafiz. Evzal Sinani, Hafiz Arben Emini, Hoxhë Burhan Ramani, si dhe moderatorin e programit Hoxhë Semir Fazliji.

Programi

• Hapja e programit nga udhëheqësi dhe prezentimi i mysafirëve (Semir Fazliji)
• Lexim Kur’ani nga Hoxhë Burhan Ramani
• Ligjëratë për Isranë nga Prof. Dr. Qenan Ismaili
• Ilahije nga Hafiz Arben Emini dhe Hoxhë Burhan Ramani
• Ligjëratë nga Mag. Hafiz Evzal Sinani
• Mbyllja e programit nga Hoxhë Semir Fazlija.

---

E Premte, 17.02.2023, 12:30 PM

Ligjëratë dhe Hytbe Xhumaje nga mysafiri jonë Mag. Hafiz Evzal Sinani

Sot, në Qendrën tonë patëm kënaqësinë të kemi si mysafir ligjërues për namaz të xhumasë Hafiz Evzal ef. Sinanin, i cili na priu edhe për namaz të xhumasë. Ligjërata e tij ishte e fokusuar në të mirat që Allahu i madhërishëm i ka dhënë njerëzimit, dhe sa falemenderues ne duhet të jemi dhe ti çmojmë këto të mira. Ai gjithashtu sugjeroi që të bëhemi të devotshëm dhe falemenderues, si dhe të bëhemi ndër njerëzit e „pakët“ që i ndjekin urdhërat e tij ashtu siç ai ka urdhëruar në Kur’an-in e madhërishëm.

All-llahu e shpërbleftë Hoxhën e nderuar për respektin dhe i dhëntë shëndet e mirësi në jetë, si dhe suksese në studimet e Doktoratës në Universitetin e Marmarasë në Turqi !

---

08.01.2023, E Diel

Programi Fetar me Hoxhë Semir Fazlija tek QKSH

Si Hoxhë i përkohshëm dhe Imam në QKSH, që nga 1 Janari po shërben Hoxhë Semir Fazlija nga Tetova.

Aktivitetet e Hoxhës te Xhamia

1. Falja e Namazeve të rregullta nga dita e Martë deri të Dielën çdo ditë sipas kalendarit të ALKIG-ut.
2. Ligjërata e ditës së Xhuma dhe falja e Namazit të Xhumasë.
3. Mësimbesimi Fetar me fëmijët, në dy grupe.
4. Aktivitete me të rinjtë ditën e Shtunë pas Akshamit.
5. Ligjëratë Fetare ditën e Diel para namazit të drekës
6. Mësim Kurani ditën e Diel, nga ora 11:00-12:00

Mësimi në Mektebin e Xhamisë

Për fëmijët, si edhe deri më tani, vazhdon mësimi aty ku ka ngelur me Hoxhën e kaluar.

– Orari i mësimit ditën e Shtunë

11:00 – 11:30 Nxënësit e rinj, Hyrje dhe Alfabeti Arab

12:00 – 13:00 Mësim i avancuar, Kur’ani Kerim

– Orari i mësimit ditën e Diel

11:00 – 12:00 Alfabeti Arab dhe Kur’an për banorët jashtë Vjenës ose ata që nuk munden të sjellin fëmijët ditën e Shtunë

Ju dëshirojmë sukses!

---

REZULTATI PËRFUNDIMTAR I KONKURSIT PËR IMAM NË XHAMINË “IKRE” VJENË

21.11.2022, Vjenë

بسم الله الرحمن الرحيم

Në Fazën finale të përzgjedhjes së Imamit të ri të Xhamisë IKRE- pranë QKSH-së, u votua nga antarësia e aktive e Xhamisë për njërin nga dy kandidatët fitues të përzgjedhur nga Komisioni Përzgjedhës.

Ky proces votimi ishte njëri ndër proceset më demokratike të përzgjedhjes së një Imami në një Xhami anëtare të ALKIG-ut, ku antarëve iu mundësua votimi me pjesëmarje të drejtëpërdrejtë në kutinë e votimit pranë QKSH-së me anë të fletëvotimeve, si dhe në rrugë digjitale, me Viber, WhatsApp apo me SMS në numrin përkatës të Komisionit Zgjedhor të QKSH-së.

Pas numërimit të të gjithë votave, doli si fitues dhe i preferuari i antarësisë, kandidati Mervan Berisha nga Prizreni i Republikës së Kosovës.

Imamit të ri i urojmë shëndet dhe suksese në punën e re si Imam, Hatib dhe Mualim i QKSH-së.

---

REZULTATI I KONKURSIT PËR IMAM NË XHAMINË “IKRE” VJENË

15.11.2022, Vjenë

بسم الله الرحمن الرحيم

Pas mbledhjes së Komisionit Përzgjedhës të përbashkët nga përfaqësues të QKSH-së dhe të ALKIG-ut, mbajtur me 14.11.2022 në Linz, Austri, njëzëri dhe unanimisht vlerësoi dy kandidatët si fitues të kësaj faze.

Përbërja e komisionit:

Hoxhë Vahidin Beluli, Kryetar i ALKIG-ut

Hoxhë Muhamed Ramadani, Sekretar i ALKIG-ut

Mag. Besim Abdullai, Anëtar Komisioni – QKSH

Mag. Mërgim Ibrahimi, Anëtar Komisioni – QKSH

Mag. Festim Ahmeti, Anëtar Komisioni – QKSH

Komisioni nga gjithsejt 22 aplikimet e shqyrtuara, vlerësoi me pikë maksimale sipas kërkesave të Konkursit të shpallur nga 15.06.2022-30.10.2022, kandidatët me dokumentacionin e kompletuar, edhe ate:

1. Imam Mervan Berisha
2. Imam Behar Gashi

FAZA FINALE E PËRZGJEDHJES

Në fazën finale të përzgjedhjes, të dy kandidatët e përzgjedhur nga Komisioni, do të prezentohen përpara anëtarësisë së gjerë të QKSH-së, të cilët duhet të votojnë për njërin prej kandidatëve. Votat e dërguara do të numërohen nga Komisioni Përzgjedhës dhe do të konfirmohen nga Kuvendi i QKSH-së në mbledhjen e ardhshme (që parashihet të mbahet jo më larg se 10 ditë nga dita e shpalljes së këtij lajmërimi).

Bibliografia e kandidatëve

---

KONKURS PËR IMAM NË XHAMINË “IKRE” VJENË

Pozita: Imam, Hatib dhe Mualim.

Vendi: Vjenë, Austri.

Data e aplikimit nga: 15.06.2022 – 30.10.2022

Fillimi i punës: 01.01.2023

Kohëzgjatja e kontratës: 5 Vjeçare (me mundësi vazhdimi +5vj. sipas Rregullores së ALKIG-ut pika 7.1. respektivisht 7.5)

Pagesa bruto vjetore: 14 x 2500 Euro (me mundësi ndryshimi sipas përvojës dhe kualifikimit).

Kriteret obligative:

• Të këtë të kryer Fakultetin e Shkencave Islame (minimumi i kërkuar)
• Të këtë të nostrifikuar Diplomën në vendin ku jeton d.m.th. në Ambasadën përkatëse (apo të ketë një Letër Rekomandimi nga Bashkësia Islame apo Këshilli i BI i rrethit prej nga vjen).
• Ditëve të shtuna të mbajë takime me rininë përkatësisht Xhematin, duke iu përgjigjur pyetjeve të tyre dhe të jetë ne dispozicion të tyre për plot një orë
• Të flasë dhe shkruajë rrjedhshëm Gjuhën Shqipe dhe Arabe
• Mësim-besim dy hërë në javë për fëmijë dhe të rritur gjatë fundjavës, si dhe për gjininë femërore të jetë e angazhuar bashkëshortja e Imamit (poqëse ka)
• Të jëtë i rregullt dhe i saktë në faljen e 5 kohëve të namazit, si dhe  të jëtë në shërbim të Kuvendit dhe Kryesisë dhe t’i zbatojë vendimet e tyre pa ngurrim dhe me përpikmëri
• T’i takon shkollës juridike Hanefite
• Gjatë muajit të Ramazanit obligohet që t’i kryejë ritet fetare përkatëse (Taravitë) si dhe ligjeratat para taravisë
• Ditën e Premte të filloj gjysëm ore para namazit të Xhumasë me ligjeratë si dhe Hytbet t’i këtë të përgaditura mirë me respekt ndaj kohës.

Kriteret e dëshiruara:

• Të ketë njohuri të Gjuhës Gjermane
• Të jetë i gatshëm të lexojë Kuran çdo javë pas namazit të Ikindisë
• Të jetë i gatshëm të udhëtojë në ekskursione të ndryeshmë me xhematin
• T’i mbajë lidhjet vëllazërore dhe fetare me Xhamitë e tjera shqiptare dhe jo shqiptare.
• Të punojë sipas Rregullores së ALKIG-ut për Imam.

Dokumentacioni i aplikimit duhet të përmbajë:

• Rezyme
• Kualifikimi (Diploma, Certifikata, etj.)
• Video e juaj duke recituar Kuranin Fisnik 5 minuta
• Video (shqip) në të cilën shpjegoni eksperiencën tuaj të deritashme dhe çfarë ju bën juve kandidatin më të mirë për këtë pozicion, si dhe cilat janë qëllimet tuaja për të ardhmen.

Kujdes!!!: Aplikimet vetëm nëpërmjet e-Mail adresës zyrtare konkurs@qendra.at do të procesohen.

Për video materialet dhe Dokumentat me madhësi mbi limitin e lejuar 7MB, përdorni shërbimin falas wetransfer.com duke e dërguar linkun e shkarkimit në e-mailin: konkurs@qendra.at

Kryesia e QKSH-së Kuvendi i QKSH-së

---

Tribunë Islame

E Shtuna speciale në QKSH!

08.10.2022, Schönbrunner Str.175, 1120 Wien

Me rastin e Muajit të Meuludit të RESULULLAHUT s.a.v.s kemi nderin që në Qendrën tonë të kemi Mysafir të veçantë, të nderuarin Reisul Ulema Hfz. Shaqir Ef. Fetahun, i shoqëruar nga Mr.Ekrem ef. Simnica, Dr. Selver Ef. Xhemaili, Dr. Abdulkerim Ef. Iseni dhe Prof. Sherif Deari!

Ligjerat nga Reisul Ulema Hfz. Shaqir Ef. Fetahu para Namazit të Jacisë!

Programi “ Pyete Hoxhën” ( Pyete Mysafirin ) pas Namazit të Jacisë!

---